Neat beskreaun, dochs wol in izeren wet,

eltse Warkumer hat dat fansels wol leard:

by froast yn 'e winter de redens út it fet;

op in lytse feart hat in elk it riden leard.

Mar better is it om it mei elkoar te dwaan,

iisklub Warkum fan 1857 ôf al drok yn 't spier,

socht 155 jier lyn al om in fertroude baan;

mienskiplik ride mei wille en fertier.

By it Stasjonskofjehûs of op de Holle Mar,

efter Sirius, It Soal of wer in oar plak,

it bestjoer die, sa 't it heart, altyd tige war,

it gyng om de riders har gerak.